By Maloi Malibiran-Salumbides
Araw-araw, palagi kong iniiwan ang hamon na "Be a blessing in the workplace today" sa bawat Protips episode o article na aking ibinabahagi. Paano ka nga ba magiging pagpapala sa iyong boss, katrabaho, kliyente at ibang taong nakakahalubilo?
Magandang araw, ako si Maloi Malibiran-Salumbides para sa Protips, partner mo sa inspiradong trabaho at negosyong umaasenso.
Let me share with you today the first part of the ABCs of being a blessing in the workplace.
1) Arrive early for your meetings and appointments. Di na pwedeng excuse ang traffic ngayon dahil halos araw-araw naman ay traffic. Kung ang iba ang nakararating naman sa oras kahit na traffic, walang dahilan para di mo ito magawa. Pahalagahan ang ibang tao sa pamamagitan ng pagpapahalaga sa kanilang oras.
2) Bring out the best and not the beast in others. Kung may iaambag tayo sa buhay ng katrabaho natin, mas maganda ng pagpapala kaysa problema. Encourage others. Extend help when needed. Tulungan mo ang iba na makita at maabot ang kanilang potential.
3) Communicate clearly and efficiently. Maraming problema ang bunga ng magulong komunikasyon sa opisina. Improve how you communicate with others para ang mensaheng gusto mong ibahagi ay makarating sa dapat makaalam nito sa paraang kanilang mauunawaan.
4) Decide in a timely fashion. Kahit na minsan ay mahirap gumawa ng pasya, kailangang matuto tayong magdecide ng nasa akmang panahon. Kahit pa tama ang pasya mo kung huli na ito, hindi na relevant kung may pasya ka man o wala.
5) Excel in what you do. Isang malaking pagpapala sa inyong opisina na pagbutihin at paghusayan ang iyong trabaho.
6) Finish what you started and do it well. Kapag may trabaho kang sinimulan, tapusin mo ito ng nasa oras. Being reliable in what you do makes you a blessing to others.
7) Gently rebuke and reprimand. Kung may katrabaho ka o kaibigan na kailangang pagsabihan, gawin mo ito ng mahinahon at hangga't maaari hindi sa harap ng napakaraming tao. Praise in public but rebuke and reprimand in private. Ang layunin ay maitama at matulungan ang nagkamali.
8) Handle your finances wisely and with integrity. Maging pagpapala sa iba sa pamamagitan ng maayos na pamamahala ng iyong pananalapi. Iwasang mangutang pagkatapos ay hindi mo naman ito babayaran. Marami ng magkakatrabaho at magkakaibigan ang nagkasira ng dahil diyan.
9) Initiate and innovate. Iwasang pangunahan ng takot kapag mayroon kang magandang idea para sa inyong opisina. Kung saklaw naman ng iyong authority bakit hindi ka mag-initiate ng mga programa o gawain para sa ikabubuti at ikaaayos ng inyong trabaho o samahan sa opisina. Introduce something fresh and new para hindi maging monotonous ang araw-araw ninyong pagtatrabaho.
10) Joyfully do your job. Gawin mo ng may kasiyahan sa puso ang trabaho mo. Kung titignan mo ang trabaho bilang kaloob ng Diyos, gagawin mo ito ng may pasasalamat kahit na minsan mahirap at mabigat ang trabaho.
Unang bahagi pa lamang ito ng ating The ABCs of Being a Blessing in the Workplace. Kung ang hangad mo ay talagang maging pagpapala sa iyong trabaho, di ka mauubusan ng paraan kung paano. Simulan mo sa tips na iyong narinig ngayon. Maaari mo rin itong ibahagi sa iyong mga kaibigan sa pamamagitan ng pag-like sa Protips Facebook page at pagbabahagi sa kanila ng ating daily posts.
BE A BLESSING IN THE WORKPLACE TODAY!
=============================================================================
Original Post:
https://www.facebook.com/ProtipsToday/photos/a.342427485247.162636.167595920247/10154073096370248/?type=3&theater
No comments:
Post a Comment