Basic Workplace Etiquette

PROTIPS - January 9, 2017
By Maloi Malibiran-Salumbides

Sa maraming pagkakataon, kung ano ang pinaka-simple at basic rules na dapat nating sinusunod ang siya pang mabilis nating nalilimutan at nakaliligtaan. Marami na ang nagbago sa mundo, maging sa paraan ng ating pagtatrabaho. Pero di ibig sabihin ay kalilimutan na natin ang common courtesies o basic etiquette sa maayos na pamumuhay. The dictionary defines etiquette as "customary code of polite behavior in society or among members of a particular profession or group."

Magandang araw, ako si Maloi Malibiran-Salumbides para sa Protips, partner mo sa inspiradong trabaho at negosyong umaasenso.

Napansin ko na sa tuwing uunahin natin ang sarili nating kasiyahan at convenience kaysa sa kapakanan ng ibang tao, doon natin madalas malimutan na i-observe ang good manners and right conduct. Foundational to observing workplace etiquette is to be considerate of others. Narito ang ilang simpleng office rules na nagpapakita ng malasakit sa ating kapwa at kamanggagawa.

1) Arrive early for your meetings and appointments. Pagpapahalaga sa ating kapwa at sa ating mga katrabaho na dumating ng maaga o nasa oras para sa ating meeting o appointment. Hindi na natin pwedeng gamiting excuse ang traffic dahil palagi namang traffic. Dapat ay naka-factor in na talaga sa ating travel time ang oras na gugugulin sa traffic. Iwasang paghintayin ang ibang tao dahil mahalaga ang oras ng bawat isa. It is common courtesy to be on time for your appointment.

2) Do your personal grooming at home or in private. Hangga't maaari ang pag-aayos o paglilinis ng sarili ay dapat nagawa na natin bago pa man tayo lumabas ng bahay at pumasok sa opisina. Pero dahil gustong maka-iwas sa traffic, ang iba'y umaalis ng napaka-aga sa bahay at sa opisina na lamang nag-aayos. If you have no other choice but to do your personal grooming in your workplace, tiyakin mo lamang na hindi ito sa oras ng trabaho o sa lugar na parang nagme-make-up demo ka sa mga ka-opisina mo. May mga nakita na akong, naggugupit ng kuko at nagpa-pluck ng kilay sa opisina. Maliban na lamang kung sa salon ka nagtatrabaho, ang ganitong personal grooming ay mabuting sa bahay at di sa trabaho ginagawa. That's basic workplace etiquette.

3) Tone down your voice and the volume of your ring tone. May tono at lakas ng boses na kaaya-aya at katanggap-tanggap sa pandinig ng iba. Tone down your voice when speaking or even laughing. Oo nga at masaya ka, pero hindi ito dahilan para basagin mo ang kapayapaan ng ibang tao. I-check mo rin ang level ng iyong ringtone lalo na kung ikaw ay may dadaluhang pagpupulong, training o seminar. Di naman kailangang malaman ng buong opisina ninyo ang bawat tawag o text message na natatanggap mo. Be considerate of others.

Anong workplace etiquette ang napapansin mong madalas makaligtaan diyan sa opisina ninyo? Help bring back good manners and right conduct in your place of work. Ang maayos na ugnayan sa opisina ay nagsisimula sa malasakit sa kapwa.

BE A BLESSING IN THE WORKPLACE TODAY!

=============================================================================

Original Post: