Think Big

PROTIPS - November 14, 2016
By Maloi Malibiran-Salumbides

Alam mo bang isang Filipino game developer ang tumalo sa kasikatan ng game app na Pokemon Go? Ayon sa website ng Entrepreneur Philippines, noong nakaraang buwan ay naungusan ng larong Flippy Bottle Extreme ang mga sikat na game app na Temple Run 2, Pokemon Go at Color Switch bilang number 1 sa Google Play. Sa loob lamang ng sampung araw ay umabot na sa dalawang milyon ang downloads para sa Flippy Bottle Extreme para masungkit nito ang number 1 spot sa action at games categories ng mga digital games. At sino ang nasa likod ng matagumpay na larong ito? Ang 29-year-old game developer at CEO ng kumpanyang Most Played Games na si Derrick Alain Mapagu. No matter how big your competition is, no matter how big the challenge is, you have an equal chance of winning if you think BIG.

Magandang araw, ako si Maloi Malibiran-Salumbides para sa Protips, partner mo sa inspiradong trabaho at negosyong umaasenso.

David was very small compared to Goliath. Si Gideon at ang kanyang hukbo ng tatlong daang katao ay lumaban sa mga Midianites at Amalekites na inilarawan sa Bibliya bilang sindami ng locusts at ang kanilang kamelyo ay sindami ng buhangin sa dalampasigan. Sa mata ng tao, kung bilang at laki lamang ang pagbabasihan, walang kalaban-laban si David at Gideon ikumpara sa kanilang mga katunggali. Pero walang makatatalo sa may malaking pangitain sa buhay at malaking pananaw sa Diyos. In what ways should we think big?

1) Think big because you have a big God. Pwede kang magkaroon ng malawak na pangitain sa trabaho, negosyo at kinabukasan mo dahil mayroon tayong Diyos na makapangyarihan, tapat at mabuti. Walang kaparis at walang kapantay ang Diyos. His plans for you are good and the destiny that He has for each one of us is great. Kung mangangarap ka na rin lamang, lakihan mo na. Think and dream big because you have a big God.

2) Think big because God has blessed you with what you need. Huwag mong mamaliitin ang iyong sarili dahil sa mata ng Diyos ikaw ay mahalaga. He has blessed you with what you need to overcome the challenges that you are facing. Huwag mong maliitin ang iyong kakayahan dahil sa problemang iyong kinakaharap. Kung ikaw ay mayroong competition na sasalihan, hindi ka magfo-focus sa kung gaano kahusay ang kalaban mo. Ang pagtutuunan mo dapat ng pansin ay ang hasain pang higit ang kakayahan at kahusayan na taglay mo.

3) Think big and positive. Isa sa mga epekto ng problema sa atin ay pinalalaki nito ang suliranin na parang wala ka ng mahahanap na solusyon. Counter that way of thinking by being positive even in difficult times. Malaki ang maitutulong ng pagtuon sa salita ng Diyos lalo na kung may pinagdaraanan kang pagsubok. God's Word instructs, inspires and gives hope. God's Word should be the biggest influence in the way we think and conduct our lives.

Malaki ba ang mga hamon na iyong haharapin ngayon? Conquer those challenges by thinking BIG.

BE A BLESSING IN THE WORKPLACE TODAY!

Source: Protips FB Page