PROTIPS - November 15, 2016
By Maloi Malibiran-Salumbides
By Maloi Malibiran-Salumbides
Marami na naman ang tatanggap ng kanilang sweldo. Ang tanong ko, nag-improve ba ang iyong financial status ngayong 2016? Ang goals mo ba na makapagbayad ng utang, makapag-ipon o magsimulang mag-invest ay iyong naisakatuparan? Alam naman natin kung gaano kahirap kumita, kaya dapat matalino tayo sa paggasta. Ang American actor na si Will Rogers na sumikat noong 1930s ay may makatotohanang paglalarawan ng unwise spending. Ganito ang kanyang sinabi, "Too many people spend money they haven't earned, to buy things they don't want, to impress people they don't like." Ano nga ba ang matalinong paggastos ng ating pera?
Magandang araw, ako si Maloi Malibiran-Salumbides para sa Protips, partner mo sa inspiradong trabaho at negosyong umaasenso.
1) Wise spending does not result to huge debts. Kapag matalino kang gumastos, di ka dapat nagkakabaon-baon sa utang. Malinaw ang paalala sa Romans 13:8, "Let no debt remain outstanding, except the continuing debt to love one another". Stressful ang maraming utang kaya preno na sa paggamit ng iyong credit card lalo na kung marami ka pang balanseng hindi nababayaran. Subukan mong pagpahingahin muna ang credit card mo hanggang sa makabawas-bawas ka ng iyong mga bayarin. Tiyak na mapapayapa ka kapag nakalaya ka na sa iyong utang. Tandaan mo, ang matalinong paggastos ay hindi hahantong sa malaking pagkaka-utang.
2) Wise spending is investing in life change. May mga taong nag-iinvest sa stocks, bonds, property, art pieces o kaya ay jewelries para may maipamana sila sa kanilang mga anak at apo. Hindi naman masamang isipin at paghandaan ang kinabukasan ng mga mahal mo sa buhay. Pero ang ganitong investments ay hindi naman talaga pangmataglan. Nasubukan mo na bang mag-invest sa buhay ng mga kabataan sa pamamagitan ng pagsuporta sa kanilang pag-aaral? O kaya ay mag-invest at makibahagi sa adbokasiya na ang isinusulong ay pagbabago at pag-asenso ng mga komunidad? Ang magbigay ng ambag, para bumuti ang kalidad ng buhay ng ibang tao ay matalinong paggamit ng iyong kinita.
3) Wise spending is to glorify God in your financial life. Sa tuwing may bibilhin ka, subukan mong tanungin ang sarili mo kung magbibigay luwalhati ba sa Diyos ang iyong pagkakagastusan. Ang paalala sa atin ng 1 Corinthians 10:31 ay ganito, "So whether you eat or drink or whatever you do, do it all for the glory of God." Sa palagay ko, pati ang shopping ay kasama diyan. Maraming paalala ang Bibliya tungkol sa pananalapi. Nasusubok ang ating self-control, integridad at katapatan sa Diyos sa pamamagitan ng ating paggastos.
Are you a wise spender? Tandaan mo, wise spending does not result to huge debts. Wise spending is investing in life change. And wise spending is to glorify God in your financial life.
No comments:
Post a Comment