Agreeing to Disagree

PROTIPS - November 9, 2016
By Maloi Malibiran-Salumbides

Paano ka magre-respond sa mga taong may taliwas o ibang pananaw kaysa sa iyo? Igigiit mo ba ang kung ano ang sa iyo hanggang sa mabago mo ang kanilang opinion? Ipipilit na ang iniisip mo ang syang tama habang ang sa iba naman ay mali? Asahan mo na na sa iyong trabaho at negosyo ay may ma-e-encounter kang mga tao na hindi kagaya mo ang pananaw. Kahit nga galing kayo sa isang pamilya, minsan, kayo-kayo mismo ang nagdedebate hindi ba? There is beauty in diversity and this includes diversity and differences in the way we view issues and situations. Kaya nga sa opisina, minsan ay nagkakaroon tayo ng mga brainstorming session bilang pagkilala na walang iisang tao na may monopolya sa magandang ideya. Kaya nga mabuting magkasundo tayo na may mga panahon at pagkakataong hindi tayo magkakasundo. Let us agree to disagree.

Magandang araw, ako si Maloi Malibiran-Salumbides para sa Protips, partner mo sa inspiradong trabaho at negosyong umaasenso.

How can we agree to disagree and still maintain harmony in our places of work?

1) Respect other people's feelings and opinions. Para hindi mauwi sa mainit na debate o pagtatalo ang malayang pagpapalitan ng pananaw diyan sa opisina ninyo, igalang natin ang nararamdaman at opinion ng isa't isa. Tandaan mong ang paggalang ay di naman palaging pagsang-ayon. Maaaring hindi ka sang-ayon sa boss mo, pero patuloy mo siyang igagalang pati na ang kanyang posisyon. Isa pang expression ng respect ay ang bigyang kalayaan at panahon ang iba na harapin ang nararamdaman nila. Halimbawa may ka-opisina kang malungkot at umiiyak dahil may pinagdaraanan siya. Respetuhin natin ang kanyang panahon ng pagluha. Iwasan nating idikta o ipilit kung ano ang dapat na maging pakiramdam o pananaw ng ibang tao sa isang issue o sitwasyon. Fights and disputes may be avoided even in disagreements, if we respect one another.

2) Listen and learn from others. Nahahasa ang ating paraan ng pag-iisip kung marunong tayong makinig at bukas tayong matuto sa isa't-isa. Karamihan sa mga produktong ginagamit natin ngayon ay bunga ng iba't-ibang ideya ng iba't-ibang tao who agreed to disagree. Hindi nagkasundo sina Steve Jobs at Bill Gates tungkol sa open at closed system sa computer. Kaya ngayon pwede tayong mamili kung Apple o Microsoft ang gagamitin natin. If we encourage diversity in the way we think and view things, mas marami tayong matutuklasan at mas lalawak ang pananaw natin sa ating buhay, trabaho at negosyo.

3) Stick to the issue and try not to get personal. Kung may hindi kayo pagkakasunduan sa isyu na may kaugnayan sa inyong trabaho, tiyakin ninyong hanggang trabaho lang at hindi mauuwi sa personal ang inyong usapan o pagtatalo. Totoong mahirap itong gawin dahil personal para sa marami ang kanilang mga ideya at opinion. Agreeing to disagree and still maintain harmony in your place of work takes maturity.

Respeto, pakikinig sa isa't-isa at ang disiplinang tumutok lamang sa isyu ay ilan sa pwede nating gawin para mapanatili ang maayos na ugnayan at working relationship kahit na hindi sa lahat ng oras ay pareho ang ating pananaw at opinion. Agree ba tayo diyan?

BE A BLESSING IN THE WORKPLACE TODAY!

Source: Protips FB Page