The Prize of Perseverance

PROTIPS - November 4, 2016
By Maloi Malibiran-Salumbides

Makasaysayan ang pagkapanalo ng Chicago Cubs sa World Series kahapon. Ito kasi ang unang beses na sila ay nagchampion sa baseball pagkatapos ng 108 taon! Binigyan nila ng panibagong sigla ang kasabihang, try and try until you succeed. Imagine, mahigit sa isang siglo ang ginawang pagpupursige at paghihintay ng koponang ito bago nila nakamit ang pinakamimithing kampeonato. That is the prize of perseverance. Such is the reward of not giving up.

Magandang araw, ako si Maloi Malibiran-Salumbides para sa Protips partner mo sa inspiradong trabaho at negosyong umaasenso.

Kung ikaw ay nasa puntong gusto mo ng sumuko sa trabaho mo, sa pag-abot sa iyong goal, o pagtupad ng pangarap mo, sana ay makakuha ka ng lakas ng loob at inspirasyon sa never-give-up attitude ng Chicago Cubs. Higit pa diyan, maging encouragement din sa iyo ang mga paalalang ito tungkol sa paghihintay at pagpupursige.

1) Those who persevere will reap a harvest. May nakita ka na bang nagtanim ngayon tapos bukas ay aani na kaagad? Wala hindi ba. Dahil kailangan mo talagang maghintay bago tumubo, lumago at mamunga ang mga binhi na iyong itinanim. Kaya huwag mo ring madaliin ang pag-ani ng yaman o tagumpay. Isipin mo na lang na ang pagpupursige mo sa iyong trabaho o negosyo ngayon ay pagtatanim ng mga binhi ng tagumpay at pag-asenso sa buhay. Ang sabi sa Galatians 6:9, "Let us not become weary in doing good, for at the proper time we will reap a harvest if we do not give up."

2) Hope is realized by those who are diligent. Ang pag-asa dapat ay sinasabayan natin ng pagtitiyaga at kasipagan. Umaasa ka nga pero wala ka namang ginagawa, sa palagay mo ba ay mangyayari ang iyong inaasahan? Magandang ang iyong pag-asa ang magtulak sa iyo na patuloy na gumawa at magtrabaho hanggang sa maabot mo ang iyong career goals. Sa Hebrews 6:11 ay ganito ang sinasabi, "We want each of you to show this same diligence to the very end, so that what you hope for may be fully realized." 

3) Victory is for those who stand firm. Bahagi ng perseverance ay ang katatagan na magpatuloy kahit ika'y nahihirapan. Di ka nagpapatangay sa kung ano ang uso o ginagawa ng mas nakararami. You stand firm for what is true and right. Gaya ng paalala sa John 21:19, "Stand firm, and you will win life."

May gantimpalang naghihintay para sa mga nagpupursige sa buhay. Ang basketball team na Ginebra, walong taong tinukso na palagi na lamang talunan. Pero ngayong taong ito, sila ang nagwagi ng kampeonato. Ang Chicago Cubs, 108 taong nagpursige kaya naman lubos ang saya ng mga sumuporta at naniwala sa kanila ngayong sila ay nagwagi na. Susuko ka na ba? Huwag muna.

BE A BLESSING IN THE WORKPLACE TODAY!

Source: https://www.facebook.com/ProtipsToday/photos/a.342427485247.162636.167595920247/10153858150040248